Túrkistan oblysynda zańsyz berilgen jerler memleket menshigine qaıtaryldy

TÚRKІSTAN. KAZINFORM – QR Aýyl sharýashylyǵy mınıstrligi JRBK Túrkistan oblysynyń jer resýrstaryn basqarý departamenti Baıdibek, Túlkibas jáne Tóle bı aýdandarynyń jergilikti atqarýshy organdaryna jer ýchaskelerin berý zańdylyǵyna qatysty tekserý júrgizdi. 

Tekserý nátıjesinde jer ýchaskeleriniń konkýrs pen aýktsıon ótkizilmeı, Qazaqstan Respýblıkasy Jer kodeksiniń 48-babynyń talaptaryn buza otyryp berilgeni anyqtaldy. 

Sottyń zańdy kúshine engen sheshimderiniń negizinde memleketke Báıdibek jáne Túlkibas aýdandary ákimdikteriniń qaýlylarymen zańnamany buza otyryp bólingen 4,3 myń ga aýyl sharýashylyǵy jeri qaıtaryldy. Onyń ishinde 1 149,54 ga egistik jáne 3 209,71 ga jaıylym bar.

Tólebı aýdany ákimdiginiń saıajaı qurylysyna jalpy aýdany 7,56 ga bolatyn 63 jer ýchaskesi zańsyz bólingen.

Sot bul mámilelerdi jaramsyz dep tanyp, jer berý týraly sheshimderdi zańsyz dep tapty.

Buǵan deıin Túrkistanda zańsyz salynǵan 14 ǵımarat sot sheshimimen buzylǵanyn habarlaǵan edik.