Túrkistan oblysynda zańsyz aınalymnan 1 tonnadan astam esirtki tárkilendi

Jyl basynan beri Túrkistan oblysynda zańsyz aınalymnan 1 tonnadan astam esirtki tárkilendi. Bul týraly Túrkistan oblysy polıtsııa departamenti esirtki qylmysyna qarsy is-qımyl basqarmasy bastyǵynyń mindetin atqarýshy Amangeldi Býrhanov málimdedi, dep habarlaıdy Kazinform. 

Óńirde esirtkiniń zańsyz aınalymyna qatysty 531 derek anyqtalǵan. Onyń ishinde 282-i qylmys bolsa, 249-y — teris qylyqtar.

Sonymen qatar, zańsyz aınalymnan 1 tonna 322 keli esirtki zattary tárkilendi. Olardyń ishinde 99,0607 gr sıntetıka esirtki zaty, 0,3 gr, geroın, 7 kg 370,7409 gr gashısh jáne 135 kg 270,76 gr marıhýana bar.

«Jedel izdestirý is-sharalarynyń nátıjesinde Saryaǵash aýdanynda 41 jastaǵy Shymkent qalasynyń turyǵynan asa iri kólemde 20,75 gr «mefedron» sıntetıkalyq esirtkisi tárkilenip, qamaýǵa alyndy. Túrkistan qalasynda 39 jastaǵy er adam ustalyp, odan 1,522 gramm «mefedron» sıntetıkalyq esirtkisi alyndy. «Tramadol» dárilik-preparaty «psıhotroptyq zattardyń» qataryna engizilgennen keıin, 34 qylmys tirkeldi. Jalpy 1149 plastına 1368 tabletkalary jáne 20 kapsýla aıǵaqty zat retinde alyndy. Sondaı-aq, sıntetıkalyq esirtki taratqan 70 aqparattyq saıt buǵattaldy», - dedi Amangeldi Býrhanov.