Túrkistan oblysynda zańsyz aýlanǵan 260 keliden astam balyq tárkilendi
TÚRKІSTAN. KAZINFORM — Shardara sý qoımasynda zańsyz balyq aýlaǵan eki azamat ustaldy.
Reıdtik is-shara barysynda Shardara aýdanynyń polıtsııa qyzmetkerleri balyq ınspektsııasy ókilderimen birlesip, sý qoımasynda zańsyz balyq aýlaǵan eki azamatty anyqtady.
Tekserý kezinde olardan 264 keli ártúrli balyq túrleri, sondaı-aq qaıyq pen balyq aýlaý torlary tárkilendi.
— Atalǵan fakti boıynsha oqıǵanyń barlyq mán-jaıyn anyqtaýǵa baǵyttalǵan qajetti is-sharalar júrgizilip jatyr. Tergeý nátıjesine sáıkes qoldanystaǵy zańnama aıasynda tıisti sheshim qabyldanady, — dep habarlady oblystyq polıtsııa departamenti.
Polıtsııa sý bıoresýrstaryn zańsyz aýlaý faktileriniń jolyn kesýge baǵyttalǵan reıdtik is-sharalardyń jalǵasyp jatqanyn málimdedi. Sondaı-aq azamattardy tabıǵı resýrstardy paıdalaný kezinde zań talaptaryn saqtap, qorshaǵan ortaǵa uqypty qaraýǵa shaqyrdy.
Buǵan deıin Túrkistanda Qyzyl kitapqa engen eki arqardy zańsyz aýlaǵandar ustalǵanyn jazǵan edik.
