Túrkistan oblysynda zańsyz ań aýlaǵandar ustaldy

TÚRKІSTAN. KAZINFORM — Túrkistan oblysy Sozaq aýdandyq polıtsııa bóliminiń qyzmetkerleri zańsyz ańshylyqpen aınalysqan eki turǵyndy ustady.

Reıd kezinde tabıǵatty qorǵaý tobynyń polıtseıleri men orman sharýashylyǵy ınspektorlary mal jaıylymy mańynda kúdik týdyrǵan ÝAZ avtokóligin toqtatqan.

— Tekserý barysynda kólik ishinde bolǵan eki er adam qashyp ketýge árekettengen, alaıda kóp uzamaı ustaldy. Oqıǵa ornynan eki jabaıy qabannyń múshelengen eti, tirkelmegen 3 ańshy myltyǵy jáne 30-dan astam oq-dári tárkilendi, — delingen Túrkistan oblystyq Polıtsııa departamenti taratqan aqparatta.

Qazirgi ýaqytta zańsyz ańshylyq deregi boıynsha tıisti saraptamalar taǵaıyndalyp, tergeý amaldary júrgizilip jatyr.

Budan buryn Túrkistan oblysynda polıtseı para aldy degen kúdikpen ustalǵanyn jazǵan edik.