Túrkistan oblysynda veterınarlar 271 mln teńge sýbsıdııany jymqyrǵan

TÚRKІSTAN. KAZINFORM – Túrkistan oblysynyń prokýratýrasy sýbsıdııa qarjysyn jymqyrý faktisin sotqa joldady.

Tergeý barysynda anyqtalǵany, aýdandyq veterınarııa qyzmetiniń 4 mamany aýyl turǵynymen sóz baılasyp, sharýa qojalyqtarynyń attaryna is júzinde bolmaǵan 100 myń bas shamasyndaǵy usaq maldy aqparattyq júıede zańsyz tirkep, 271 mln teńge sýbsıdııa jymqyryp, ózara bólisken.

- Túrkistan qalasynyń sotymen alaıaqtyq jolmen, joq maldarǵa jalǵan qujattar ázirlep, sýbsıdııa qarajatyn jymqyrǵan 5 tulǵa kináli dep tanylyp, 4 kúdikti 5,2 jyl merzimge bas bostandyǵynan aıyrý jazasyna sottaldy, bir adamǵa bas bostandyǵyn shekteý jazasy taǵaıyndalyp, sońynan raqymshylyq aktisin qoldanyp sot isti toqtatty. Memlekettiń paıdasyna 50 mln teńge óndirildi, sonymen birge 120 mln teńgege múlikke tyıym salyndy, - delingen oblys prokýratýrasynyń resmı habarlamasynda.

Prokýratýra málimdegendeı, memleketten bólingen sýbsıdııa qarajatyn jymqyrǵany úshin qylmystyq jaýaptylyq kózdelgen jáne ol áreketter úshin 10 jylǵa deıin bas bostandyǵynan aıyrylýy múmkin.

Budan buryn Túrkistan oblysynda ІІ toptaǵy múgedekti zorlaǵan úsh adam sottalǵanyn jazǵan edik.