Túrkistan oblysynda uzyndyǵy 15 shaqyrym bolatyn kanaldyń rekonstrýktsııasy bastaldy

TÚRKІSTAN. KAZINFORM – Túrkistan oblysyndaǵy «Qazsýshar» RMK fılıaly Maqtaaral aýdanyndaǵy K-17 kanalynda rekonstrýktsııalaý jumystaryn júrgizip jatyr.

Jyl sońyna deıin uzyndyǵy 3,3 shaqyrym bolatyn bóligin betondaý josparlanǵan. Búginde kanaldyń túbi tolyq tazartylyp, tyǵyzdaý jáne betondaý jumystaryna daıyndyq júrgizilip jatyr.

K-17 kanalynyń jalpy uzyndyǵy – 15 shaqyrym, ótkizý qýaty – sekýndyna 6,5 tekshe metr. Nysandy rekonstrýktsııalaý sý shyǵynyn azaıtyp, egistik alqaptaryn sýarý tıimdiligin arttyrýǵa múmkindik beredi.

«Jumysqa arnaıy tehnıka tartylǵan. Túrkistan oblysyndaǵy «Qazsýshar» fılıaly merdiger uıymnyń jumysty sapaly ári ýaqytyly oryndaýyn qatań baqylaýda ustap otyr», – dedi «Qazsýshar» RMK Túrkistan oblysy fılıaly dırektory Qazybek Bedebaev.

Aıta keteıik, Jambyl oblysyndaǵy Fýrmanov kanaly sońǵy 40 jylda alǵash ret tazalandy.