Túrkistan oblysynda uıymdasqan qylmystyq top aýyl sharýashylyǵyna baǵyttalǵan jeńildetilgen nesıeni qoldy etip kelgen
TÚRKІSTAN. KAZINFORM – Qazirgi tańda 26 kúdiktige qatysty qylmystyq is aıaqtalý satysynda. Bul týraly Túrkistan oblysy boıynsha ekonomıkalyq tergep-tekserý departamentiniń basshysy Erbolat Balǵabaev málimdedi.
«ıAssy-nesıe NS» JShS-i basshylary uıymdasqan top múshelerimen sóz baılasyp, josparlaryn birge júzege asyrǵan. Úshinshi tulǵalardyń atyna jalǵan quqyqtyq qujat jasap, is júzinde joq jyljymaly múlikterdi kepilge qoıyp kelgen. Nátıjesinde 1,7 mlrd. teńgege jýyq qarajatty jymqyrǵan. Onyń búgingi tańǵa 700 mln. teńgesi bıýdjetke óndirilse, 900 mln. teńgeni quraıtyn kúdiktilerdiń baǵaly jyljymaly jáne jyljymaıtyn múlikterine sot sanktsııasymen paıdalanýǵa tyıym salynǵan.
«Ekonomıkalyq tergep-tekserý departamenti men oblys prokýratýrasynyń úılestirýimen aýyl sharýashylyq salasyn damytýǵa baǵyttalǵan jeńildetilgen nesıeni zańsyz jymqyrý derekterine qatysty QR QK-niń 262 baby (uıymdasqan qylmystyq top) men 190 baby (alaıaqtyq) boıynsha jalpy 26 kúdiktige qatysty qylmystyq is aıaqtalý satysynda. Kúdiktilerdiń basym bóligine qatysty «kúzetpen ustaý» túrindegi bultartpaý sharasy qoldanylǵan. QR QPK 201-babyna sáıkes ózge málimetter jarııa etýge jatpaıdy» - dedi Erbolat Balǵabaev.
