Túrkistan oblysynda úsh kún buryn aýrýhanadan qashqan sottalýshy ustaldy
TÚRKІSTAN. KAZINFORM – Túrkistan oblysy Polıtsııa departamentiniń Krımınaldyq polıtsııa basqarmasynyń qyzmetkerleri jedel-izdestirý is-sharalary nátıjesinde medıtsınalyq mekemeden qashyp ketken sottalýshyny ustady. Ol Túrkistan qalasynan, tanysynyń úıinen tabyldy.
Bul oqıǵaǵa qatysty Túrkistan oblysy Polıtsııa departamentiniń bastyǵy Murat Qabdenov pikir bildirdi.
— Ustalǵan azamat tergeý ızolıatoryna ornalastyryldy. Qazirgi ýaqytta barlyq jaǵdaılardy anyqtaýǵa baǵyttalǵan qajetti is sharalardy atqaryp jatyrmyz. Sotqa deıingi tergeý júrip jatyr. Oqıǵa bıylǵy 23 qazanda bolǵan. Sottalýshyny ustaý maqsatynda aýqymdy jedel-izdestirý is-sharalary uıymdastyryp, baqylaý beketterin qoıyp, sondaı-aq polıtsııanyń barlyq jeke quramyn jumyldyrǵan bolatynbyz. Bul jaıt meniń jeke baqylaýymda, — dedi oblystyq Polıtsııa departamentiniń bastyǵy.
Eske sala keteıik, buǵan deıin Túrkistan oblysynda emdelip jatqan sottalýshy aýrýhanadan qashyp ketkenin jazǵan edik.