Túrkistan oblysynda úsh kólik soqtyǵysyp, eki adam aýrýhanaǵa tústi
TÚRKІSTAN. KAZINFORM – Túrkistan oblysynda úsh kólik soqtyǵysýy saldarynan eki adam zardap shekti.
Jol apaty Almaty – Termez – Tashkent tasjolynda bolǵan. VAZ markaly jeńil avtokólik eki júk kóligimen soqtyǵysqan.
Oqıǵa ornynan túsirilgen beınejazba áleýmettik jelilerde tarady. Kadrlarda kólikterdiń soqtyǵysýynan keıingi jaǵdaı beınelengen.
– Almaty – Termez – Tashkent avtojolynda úsh kóliktiń qatysýymen bolǵan jol-kólik oqıǵasy boıynsha tergeý júrgizilip jatyr. Eki júk kóligi men VAZ markaly avtokóliktiń soqtyǵysýy saldarynan jeńil kóliktiń júrgizýshisi men jolaýshysy jaraqattanyp, emhanaǵa jetkizildi, – dep habarlady Túrkistan oblysynyń polıtsııa departamenti.
Qazirgi ýaqytta polıtseıler oqıǵanyń barlyq mán-jaıyn anyqtap jatyr. Tergeý nátıjesi boıynsha qoldanystaǵy zańnamaǵa sáıkes tıisti sheshim qabyldanady.
Buǵan deıin Almatyda adam ólimine sebep bolǵan jol apatyna qatysty istiń qaıta qaralatynyn habarlaǵan edik.
