Túrkistan oblysynda úsh bala tokqa túsip qaıtys boldy – feık
TÚRKІSTAN. KAZINFORM - Túrkistan oblysynda úsh bala tokqa túsip qaıtys bolǵany týraly aqparat - jalǵan. Bul týraly oblys ákimdiginiń baspasóz qyzmeti habarlaıdy.
Áleýmettik jelide kámelet jasyna tolmaǵan úsh jetkinshektiń tokqa túsip qaıtys bolǵany jaıynda aqparat tarap jatyr.
Er adamnyń aıtýynsha, oqıǵa Saryaǵash aýdanynda bolǵan: Tokqa qosýly turǵan telefon qýattaǵyshty aýzyna salǵan balany tok urǵan. Al, ony qutqarmaq bolǵan eki baýyry da tokqa túsip qalǵan.
«Whats app» jelisinde sýretimen birge tarap jatqan aqparatty Túrkistan oblysynyń ákimdigi joqqa shyǵardy.
«Jelide tarap jatqan belgisiz azamattyń Saryaǵash aýdany, Abaı aýylynda 3 kámeletke tolmaǵan balanyń telefon qýattaǵysh (zarıadka) toǵyna túsip, qaıtys bolǵany týraly beınematerıaly Túrkistan oblysynyń aýmaǵynda oryn almaǵanynyn habarlaımyz. Tek resmı derekkózderge ǵana senip, jalǵan aqparat taratýdan bas tartýdy suraımyz» — delingen ákimdik aqparatynda.
