Túrkistan oblysynda áıeldi aıaýsyz uryp-soqqan kúdiktiler ustaldy
ASTANA. KAZINFORM — Leńgirde túngi ýaqytta eki belgisiz adam jergilikti turǵynnyń úıine zańsyz kirip, oǵan dene jaraqatyn salyp, telefonyn alyp ketken.
Oqıǵa ornynan túsirilgen beınejazba buǵan deıin áleýmettik jelilerde taraǵan.
Іshki ister mınıstrliginiń málimetinshe, tájirıbeli krımınaldyq polıtsııa qyzmetkerleri jedel-izdestirý is-sharalarynyń keshenin júrgizip, kúdiktilerdiń jeke basyn jáne olardyń ornalasqan jerin anyqtady.
— Kúdikti retinde Tólebı aýdanynyń eki turǵyny ustalyp, qamaýǵa alyndy, — delingen habarlamada.
Atalǵan fakti boıynsha qylmystyq is qozǵaldy. Tergeý barysy Túrkistan oblysy polıtsııa departamenti basshylyǵynyń baqylaýynda.
Eske salaıyq, buǵan deıin Túrkistan oblysynda áıel óz úıinde aıaýsyz soqqyǵa jyǵylyp, tonalǵanyn jazǵan edik.
