Túrkistan oblysynda túngi ýaqytta eresekterdiń baqylaýynsyz júrgen 300-ge jýyq bala anyqtaldy
TÚRKІSTAN. KAZINFORM – Túrkistan oblysynda kámeletke tolmaǵandar men jastar arasyndaǵy quqyq buzýshylyqtyń aldyn alý maqsatynda polıtsııa qyzmetkerleri túngi reıdtik is-sharalar ótkizdi.
Túrkistan oblysy polıtsııa departamentiniń málimetinshe, maýsym aıynda reıd barysynda 273 ákimshilik quqyq buzýshylyq anyqtaldy. Onyń ishinde balalardy tárbıeleý jónindegi mindetterin oryndamaǵany úshin 50 ata-ana ákimshilik jaýapkershilikke tartyldy.
– Kámeletke tolmaǵandardyń túngi ýaqytta oıyn-saýyq oryndarynda bolýynyń 13 faktisi anyqtaldy. Zańdy ókilderiniń erip júrýinsiz túngi ýaqytta turǵyn úıden tys nemese oıyn-saýyq oryndarynda júrgen kámeletke tolmaǵandarǵa qatysty 200 derek tirkeldi. Sondaı-aq ózge de 10 quqyq buzýshylyqtyń joly kesildi, – delingen habarlamada.
Tártip saqshylary ata-analardy balalarynyń bos ýaqytyn baqylaýda ustap, olardyń qaýipsizdigin qamtamasyz etý úshin qajetti sharalardy qabyldaýǵa shaqyrdy.
Buǵan deıin Túrkistanda 9-synyp oqýshysyn soqqyǵa jyǵyp, onyń ólimine sebep boldy dep aıyptalǵan tórt jasóspirimge qatysty sot úkimi shyqqanyn jazǵan edik. Negizgi aıyptalýshy 7 jyl, 6 aıǵa bas bostandyǵynan aıyryldy. Qalǵan úsh jasóspirimge bas bostandyǵyn shekteý jazasy taǵaıyndaldy.
