Túrkistan oblysynda týystaryn aıaýsyz óltirgen kúdiktilerge qatysty sot otyrysy bastaldy

TÚRKІSTAN. KAZINFORM – Kúdiktiler jıeni men jezdesin óltirip, denesin sýǵa aǵyzyp jibergen.

Búgin Túrkistan oblysynyń qylmystyq ister jónindegi mamandandyrylǵan aýdanaralyq sotynda týystaryn aıaýsyz óltirgen sottalýshylarǵa qatysty qylmystyq is qaraldy.

— Tergeý organymen sottalýshy B.J. Qazaqstan Respýblıkasynyń QK-niń 125-babynyń 2-bóliginiń 1-tarmaǵymen, 126-babynyń 1-bóligimen, 99-babynyń 2-bóliginiń 1,3,7-tarmaqtarymen aıyptalǵan. Al, B.E Qazaqstan Respýblıkasynyń QK-nyń 125-babynyń 2-bóliginiń 1-tarmaǵymen, 99-babynyń 2-bóliginiń 1,3,7-tarmaqtarymen aıyptalǵan. 24 aqpan 2025 jyly saǵat 10:30 ge taǵaıyndalǵan basty sot talqylaýynda sottaýshylardyń isti alqabıdiń qatysýymen qaraýdy suraǵan ótinishteri qaralyp, qanaǵattardyryldy. Kelesi sot otyrysy 11 naýryz 2025 jyly saǵat 10:00 ge taǵaıyndaldy. Sottalýshylardyń qylmysty jasaǵan merzimi 2024 jyldyń tamyz aıy. Jábirlenýshiler sany ekeý, - delingen Túrkistan oblystyq sotynyń baspasóz qyzmeti usynǵan aqparatta.

Eske sala keteıik, SQO-da qyzyn zorlaǵan er adamdy ómir boıyna bas bostandyǵynan aıyrǵanyn jazǵan bolatynbyz.