Túrkistan oblysynda tsementbeton joldarǵa monıtorıng kúsheıtildi
ASTANA.KAZINFORM - Aýa temperatýrasynyń joǵarylaýyna baılanysty Túrkistan oblysyndaǵy tsementbeton joldarǵa monıtorıng kúsheıtildi. Bul týraly QazAvtoJol habarlady.
Túrkistan oblysynda aýa temperatýrasynyń +35–36 °C-qa deıin kóterilýine baılanysty jol qyzmetteri tsementbeton jabynynyń jaı-kúıine júrgiziletin monıtorıngti kúsheıtti.
Respýblıkalyq mańyzy bar KAZ 06 avtomobıl jolynyń Shymkent qalasy baǵyty boıynsha 2244-shaqyrymynda jol jabynynyń yqtımal temperatýralyq deformatsııasynyń aldyn alýǵa baǵyttalǵan profılaktıkalyq jumystar bastaldy. Mamandar aptap ystyq kezinde tsementbeton plıtalaryndaǵy ishki kerneýdi tómendetý maqsatynda tehnologııalyq jikterdi kesý jáne ózge de qajetti sharalardy júrgizip jatyr.
Jumysqa 7 maman jáne 4 birlik jol tehnıkasy jumyldyrylǵan. Jol qozǵalysy qaýipsizdigin qamtamasyz etý maqsatynda ýchaskede ýaqytsha jol belgileri ornatyldy. Jol qyzmetteri óńirdegi tsementbeton jabyndysy bar avtojol ýchaskelerin patrýldeý men olardyń jaı-kúıine monıtorıng júrgizýdi jalǵastyryp jatyr.
Aıta keteıik, SQO-da jarty jylda jol qozǵalysy qaǵıdalaryn buzýdyń 120 myńnan astam deregi anyqtaldy.
