Túrkistan oblysynda toı kortejinde óreskel zań buzǵan júrgizýshiler jazalandy
TÚRKІSTAN. KAZINFORM — Túrkistan oblysynda toı kortejindegi óreskel zań buzýshylyqtyń joly kesildi.
Oqıǵa Tólebı aýdanyna qarasty Lenger qalasynyń ortalyq kósheleriniń birinde tirkeldi.
Polıtseılerdiń jedel ári úılesimdi áreketiniń arqasynda arnaıy qyzmettik kólikterge tán jarqyldaýyq shamdardy zańsyz ornatyp, jol qozǵalysy erejelerin elemegen júrgizýshiler qysqa ýaqyt ishinde anyqtalyp, toqtatyldy.
— Tártip saqshylarynyń kásibı is-qımylynyń arqasynda Toyota Camry jáne VAZ-21115 avtokólikteri toqtatylyp, júrgizýshilerdiń zań talaptaryn buzǵany dáleldendi. Quqyq buzýshylarǵa qatysty zań talaptaryna sáıkes qatań sharalar qabyldanyp, avtokólikter aıypturaqqa qoıyldy, — dep habarlady oblystyq polıtsııa departamenti.
Sonymen qatar júrgizýshilermen túsindirý jáne aldyn alý jumystary júrgizilip, jol qozǵalysy erejelerin saqtaýdyń mańyzy eskertildi.
Aıta keteıik, jyl basynan beri Túrkistan oblysynda osyndaı 5 zańsyz kortej anyqtalyp, árbir derek boıynsha tıisti sharalar qabyldanǵan.
Budan buryn Túrkistanda tólenbegen 18 aıyppuly bar júrgizýshi jalǵan nómirmen ustalǵanyn jazǵan edik.
