Túrkistan oblysynda toı korteji jol erejesin óreskel buzdy
TÚRKІSTAN. KAZINFORM — Túrkistan oblysy Polıtsııa departamenti áleýmettik jelilerge monıtorıng júrgizý barysynda Almaty — Shymkent avtojolynyń 667 shaqyrymynda úılený toı kortejinen birneshe avtomobıl júrgizýshileriniń jol qozǵalysy erejelerin óreskel buzý faktisin anyqtady.
Belgili bolǵandaı, Saıram aýdanynyń turǵyny úılený toıyn ótkizý úshin 10-ǵa jýyq avtokólik jaldaǵan. Olardyń júrgizýshileri jol erejesin óreskel buza otyryp, basqa da kólikterge kedergi keltirip, apattyq jaǵdaı týǵyzǵan.
— Qazirgi ýaqytta barlyq júrgizýshi anyqtalyp, jaýapqa tartyldy. Al avtomobılder aıypturaǵyna qoıyldy. Sondaı-aq uıymdastyrýshymen profılaktıkalyq áńgime júrgizildi. Polıtsııa barlyq azamatty jol qozǵalysy erejelerin saqtaýǵa shaqyrady, sondaı-aq ereje buzǵany úshin ákimshilik jaýapkershilik qarastyrylǵanyn eskertedi, — dedi Túrkistan oblysy Polıtsııa departamenti bastyǵynyń orynbasary, polıtsııa polkovnıgi Baǵlanbek Aıtpaev.
Budan buryn Túrkistan oblysynda ІІ toptaǵy múgedekti zorlaǵan úsh adam sottalǵanyn jazǵan edik.