Túrkistan oblysynda tórt balasymen joǵalǵan áıel Shymkentten tabyldy
TÚRKІSTAN. KAZINFORM — Otyrar aýdanynyń turǵyny jubaıynyń tórt balasymen birge 7 kún buryn úıden shyǵyp, habar-osharsyz qalǵany týraly polıtsııaǵa aryzdanǵan.
Bul derek boıynsha Túrkistan oblysy Polıtsııa departamentiniń Uıymdasqan qylmysqa qarsy kúres basqarmasy men Otyrar aýdandyq polıtsııa bóliminiń qyzmetkerleri birlesip, jedel izdestirý is-sharalaryn júrgizdi.
— Іz-túzsiz joǵalǵan áıeldiń qasynda jastary 6,5,3 jáne 10 aılyq tórt balasy bolǵan. Polıtseıler aýdannyń kireberisi men shyǵaberis baǵyttaryna baqylaý beketterin qoıyp, avtokólikterdi tekserdi. Sonymen qatar kórshiles aýmaqtarǵa arnaıy baǵyttamalar joldanyp, izdeý sharalary kúsheıtildi. Azamattardy aman-esen tabýǵa baǵyttalǵan keshendi jedel is-sharalar úzdiksiz júrgizildi, — delingen vedomstvonyń habarlamasynda.
Іzdestirý jumystarynyń nátıjesinde joǵalǵan áıel balalarymen birge taksımen kele jatqan jerinen anyqtalyp, polıtsııa bólimine jetkizildi.
Tekserý barysynda onyń kúıeýimen aradaǵy turmystyq kelispeýshilikten keıin renjip, balalaryn jáne qujattaryn alyp, Shymkent qalasyna ketkeni belgili boldy. Áıeldiń onda eshkimge aıtpastan páter jaldap turǵany anyqtalǵan.
— Qazirgi tańda jaqyn týystary shaqyrylyp, polıtsııa qyzmetkerleri profılaktıkalyq túsindirý jumystaryn júrgizdi. Otbasy músheleri tatýlasyp, úılerine aman-esen oraldy, — dep málim etti polıtsııa.
Buǵan deıin Túrkistan oblysynda sýǵa ketken 8 jasar balany izdeý jumystary toqtatylǵany týraly jazǵan edik.
