Túrkistan oblysynda ІІ toptaǵy múgedekti zorlaǵan úsh adam sottaldy
TÚRKІSTAN. KAZINFORM - Túrkistan oblysynda azamattyń densaýlyǵyna, ar-namysy men bostandyǵyna qarsy asa aýyr qylmys jasaǵan úsh azamatqa qatysty sot úkimi shyqty.
Keles aýdandyq soty Qazaqstan Respýblıkasy Qylmystyq kodeksiniń 188-babynyń 3-bóliginiń 3-tarmaǵy jáne 121-babynyń 2-bóliginiń 1,4-tarmaǵy boıynsha aıyptalǵan úsh adamǵa qatysty qylmystyq isti qarap, zań aıasynda sheshim qabyldady.
Sot tergeýinde anyqtalǵandaı, aıyptalýshylardyń biri bıylǵy 7 aqpanda óziniń materıaldyq jaǵdaıyn jaqsartý maqsatynda Keles aýdanynda turatyn týysynyń úıine zańsyz kirip, 41 myń teńge kólemindegi aqshalaı qarajatty jasyryn túrde urlaǵan. Alaıda ol munymen toqtamaı, úıde jalǵyz qalǵan 2001 jyly týǵan ІІ toptaǵy múgedek adamnyń dármensiz kúıin paıdalanyp, seksýaldyq sıpattaǵy zorlyq-zombylyq áreketterin jasaǵan.
Budan keıin, 16 aqpan kúni aıyptalýshy óz úıinde jábirlenýshini qaıta kórip, eki seriktesimen aldyn ala sóz baılasý arqyly jábirlenýshige qatysty taǵy da zorlyq-zombylyq áreketterin jasaǵan.
- Memlekettik aıyptaýshy sottalýshylardyń kinási tolyq dáleldengenin aıtyp, olarǵa 9 jyl merzimge bas bostandyǵynan aıyrý jazasyn taǵaıyndaýdy surady. Aıyptalýshylar kinásin moıyndamaı, ózderine qatysty aqtaý úkimin shyǵarýdy surady. Sot úkimimen úsh aıyptalýshy 9 jyl merzimge bas bostandyǵynan aıyrý jazasyna kesildi. Sonymen qatar sot sheshimimen jábirlenýshiniń paıdasyna 5 mln teńge kóleminde moraldyq shyǵyn óndirý týraly qaýly qabyldandy. Atalǵan úkim zańdy kúshine engen joq, - delingen Túrkistan oblysytyq sotynyń baspasóz qyzmeti taratqan aqparatta.
Aıta keteıik, budan buryn Túrkistan oblysynda jasóspirimge azǵyndyq áreket jasaǵan muǵalim sottalǵanyn jazǵan bolatynbyz.