Túrkistan oblysynda tyıym salynǵan dinı materıaldardy taratqan sheteldik 7 jylǵa sottaldy

TÚRKІSTAN. KAZINFORM — Túrkistan oblysynda tyıym salynǵan dinı mazmundaǵy materıaldardy áleýmettik jeliler arqyly taratqan sheteldik azamat qamaýǵa alyndy. 

Jedel-izdestirý sharalary barysynda polıtsııa qyzmetkerleri áleýmettik jelide terrorızm ıdeıasyn nasıhattaıtyn ekstremıstik sıpattaǵy materıaldardy taratqan adamdy anyqtaǵan. Tekserý nátıjesinde kúdikti retinde jaqyn shetelden kelgen azamat ustaldy.

Atalǵan derek boıynsha qylmystyq is qozǵalyp, tıisti saraptama júrgizildi. Jınalǵan dálelder negizinde is Saryaǵash aýdandyq sotyna joldandy. Sot úkimi boıynsha aıyptalýshy 7 jylǵa bas bostandyǵynan aıyryldy.

— Polıtsııa departamenti turǵyndardy áleýmettik jelidegi kúmándi saıttar men toptarǵa kirmeýge, sonymen qatar qyraǵy bolýǵa shaqyrady. Qoǵam qaýipsizdigin qamtamasyz etý — árbir azamattyń ortaq mindeti, — delingen Túrkistan oblysy polıtsııa departamentiniń baspasóz qyzmeti usynǵan aqparatta.

Aıta keteıik, budan buryn Túrkistan oblysynda kolledj stýdentiniń máıiti tabylǵanyn jazǵan bolatynbyz.