Túrkistan oblysynda temirjol kópiriniń bir bóligi opyrylyp tústi
TÚRKІSTAN. KAZINFORM - Túrkistan oblysynda temirjol kópiriniń bir bóligi opyrylyp tústi.
Áleýmettik jelide taraǵan vıdeodan poıyz ótetin kópirdiń bir bóligi qulap túskenin kórýge bolady. Atalǵan jaǵdaıdan kópir ústindegi poıyzben, astyndaǵy ótkelde turǵan kólikterge de qaýip tóngen.
«Qazaqstan temir joly» AQ málimetine súıensek, oqıǵa 3 naýryz kúni Qyzylsaı – Mankent aralyǵyndaǵy Arys – Túlkibas ýchaskesinde bolǵan. Aýyr bannerden túsken júktiń saldarynan qorshaý kópiriniń bir bóligi opyrylyp qulaǵan.
«Eshkim zardap shekken joq, oqıǵa poıyz qyzmetine áser etpedi. Joldardaǵy poıyzdar qozǵalysy toqtaǵan joq jáne poıyzdarǵa qaýip tónbedi. Joldy qoqystan tazartý úshin brıgadalar 20 mınýttan keıin kelip, avtojoldyń júris bóligin qorshaý synyqtarynan tazartty. Qazirgi ýaqytta qurylym jıekterin qalpyna keltirý jumystary júrgizilýde», - delingen aqparatta.
