Túrkistan oblysynda tazalyq saqtamaǵan 23 myńnan astam adamǵa aıyppul salyndy
TÚRKІSTAN. KAZINFORM - Túrkistan óńirinde «Taza Qazaqstan» baǵdarlamasy oblys kóleminde turaqty júrgizilýde. Bekitilgen keste boıynsha aýdan, qalalarda jalpy 450 aýqymdy senbilik ótkizildi. Bul týraly búgin oblys ákimi Darhan Satybaldynyń tóraǵalyǵymen ótken apparat májilisinde keńinen talqylandy.
Túrkistan oblysy ákiminiń birinshi orynbasary Zulpyhar Joldasovtyń aıtýynsha, ótken aptanyń ishinde 11 aýdannyń 30 eldi mekeninde senbilik ótkizilgen. Oǵan 6 myńdaı turǵyn qatysyp, tıisti tehnıkalar jumyldyrylǵan. Nátıjesinde 98,7 tonna qoqys shyǵaryldy. Jalpy jyl sońyna deıin 807 senbilik ótkizý josparlanyp otyr.
Bıyl qoǵamdyq oryndarda zań talaptaryn buzǵan tulǵalarǵa 23 434 myńnan astam hattama toltyrylyp 249,5 mln. teńgege aıyppul salyndy. Baǵdarlama bastalǵaly beri eskertýler men salynǵan aıyppuldar sany 16 myńnan astam hattamaǵa artqan nemese 4 esege ulǵaıǵan. Sondaı-aq búgingi tańǵa, abattandyrý qaǵıdasyna sáıkes irgeles jatqan aýmaqtyń tazalyǵy boıynsha 11 004 jeke turǵyn úı men 6 147 kásipkerlik obektisine monıtorıng júrgizildi. Nátıjesinde 1143 eskertý jáne 620 aıyppul salyndy. Qaǵıdanyń sapaly oryndaý baǵytyndaǵy jumystar kúndelikti júrgizilip keledi.
Óńir basshysy bul baǵyttaǵy jumystardy odan ári jandardyrýdy, júıeleýdi jáne jiti qadaǵalaýdy tapsyrdy.
«Árbir memlekettik jáne bıýdjettik mekemeler óz aýlasyn, ǵımaratyn taza ustasyn. Bilim, densaýlyq, mádenıet, sport jáne ózge de áýeýmettik nysandardaǵy tazalyq qadaǵalanyp jatyr. Tazalyq jumystaryna nemquraıly qaraǵan basshylar synnan qorytyndy shyǵarmasa, kemshilik qaıtalansa, qyzmetinen bosatylady. Jumys júıeli túrde jalǵassyn», – dedi Darhan Satybaldy.
