Túrkistan oblysynda «Taza Qazaqstan» aktsııasynyń «Kıeli meken» aptalyǵy bastaldy
TÚRKІSTAN. KAZINFORM - Elimizde Memleket basshysynyń qoldaýymen «Taza Qazaqstan» respýblıkalyq ekologııalyq aktsııasy bastalǵan bolatyn. Aktsııanyń ózi birneshe aptalyqtarǵa bólingen. Atap aıtqanda, 6-13 sáýir aralyǵy – «Taza ólke» aptalyǵy, 13-20 sáýir aralyǵy – «Kıeli meken», 20-27 sáýir aralyǵy – «Jasyl aımaq», 27 sáýirden 4 mamyrǵa deıin - «Ónegeli urpaq», al 4-11 mamyr aralyǵy – «Móldir bulaq» aptalyǵy.
Oblysta alǵashqy aptalyqta barlyq 17 qala-aýdanda tazalyq jumystary men kóshet-gúl egý jumystary júrdi. Nátıjesinde 2 839 kósheniń boıy tazalanyp, 139 250 túp kóshet otyrǵyzyldy. Sondaı-aq, 144 431 dana aǵash áktelip, 58 407 sharshy metr aıaq joldary tazalandy. Budan bólek, 346 saıabaq men skverler retke keltirilip, 298 balalar jáne sport alańshalarynda tazalyq jumystary júrdi.
Sonymen qatar jalpy 272 shaqyrym ózen-kanaldar men bulaqtardyń arnalary ashyldy. Al 13 sáýir kúni jalpy senbilik ótkizilip, 1 031 tonna qoqys shyǵarylǵan. Іs-sharaǵa oblys boıynsha 25 myń adam tartylyp, 316 tehnıka jumyldyryldy.
Endi 13-20 sáýir aralyǵynda «Kıeli meken» aptalyǵy aıasynda oblys kólemindegi tarıhı-mádenı eskertkishter mańynda 170 is-shara ótkizýdi josparlanǵan.
Búginnen bastap Túrkistan qalasyndaǵy Q.ıAsaýı men Otyrar aýdanynda Arystan bab kesenelerinde tazalyq jáne abattandyrý jumystary júrip jatyr. Aldaǵy ýaqytta da Saýran Qalashyǵy, Úkasha ata kesenesi, Júsip ata kesenesi jáne Ysqaq bab kesenesi, Baba Túkti Shashty Áziz keseneleri sııaqty aýmaqtar tazalanatyn bolady.
