Túrkistan oblysynda taýly aımaqtarda ornalasqan 270 jer ýchaskesi zańsyz berilgeni anyqtaldy
Túrkistan oblysynda prokýrorlar taýly aımaqtarda ornalasqan 270 jer ýchaskelerin elıtalyq saıajaı qurylysyna zańsyz berilgenin anyqtady, dep habarlaıdy Kazinform QR Bas prokýratýranyń baspasóz qyzmetine silteme jasap.
Sonymen qatar atalǵan óńirde azamattarǵa jalǵan qujattar usyný arqyly 26 jer ýchaskesin rásimdegeni jáne 28 jer ýchaskesiniń ornyn zańsyz ózgertý faktileri oryn alǵan.
Jergilikti atqarýshy organdar Túrkistan qalasy, Saryaǵash, Saıram, Tólebı jáne Túlkibas aýdandaryndaǵy 200 aýyl sharýashylyq jerleriniń nysanaly maqsattaryn negizsiz turǵyn úı qurylysy jáne demalys aımaqtaryna ózgertken.
Atalǵandardyń negizinde jergilikti atqarýshy organdardyń qyzmetkerlerine qatysty bılikti nemese laýazymdyq ókilettikterdi asyra paıdalaný jáne alaıaqtyq faktileri boıynsha 8 qylmystyq is qozǵaldy.
Budan bólek prokýrorlardyń usynysy negizinde memlekettik organdar 400-den astam jerdi memleket menshigine qaıtarý protsesin bastady.
