Túrkistan oblysynda taýǵa shyqqan 66 jastaǵy qarııa adasyp ketti
TÚRKІSTAN. KAZINFORM — Qazyǵurt shyńyn baǵyndyrmaq bolǵan qarııa qutqarýshylardyń kómegimen qaýipsiz jerge jetkizilip, alǵashqy dárigerlik kómek kórsetildi.
Oqıǵa Qazyǵurt aýdanyna qarasty Atbulaq aýylynan 8 shaqyrym qashyqta boldy.
Keshki saǵat 19:10 shamasynda 1741 metr bıiktiktegi Qazyǵurt shyńyna shyqqan qarııa taýda adasyp qalǵan.
Qaýipti jaǵdaıǵa tap bolǵan ony qutqarýshylar tómen túsirdi.
TJD mamandary jedel medıtsınalyq járdem kórsetip, qaýipsiz aımaqqa alyp shyqty.
«Tótenshe jaǵdaı departamentiniń mamandary taýdaǵy qaýipsizdik erejelerin saqtaý qajettigin eskertedi. Taýǵa shyǵar aldynda marshrýtyńyzdy egjeı-tegjeıli zerttep, sel qaýpi bar jerlerden aýlaq bolyńyzdar» delingen TJD baspasóz qyzmeti usynǵan aqparatta.
