Túrkistan oblysynda taýda adasqan er adam qutqaryldy

ASTANA. KAZINFORM – Túrkistan oblysynda qutqarýshylar taýda ózdiginen túse almaı qalǵan er adamdy aman-esen alyp shyqty.

Oblystyq TJD málimetinshe, 112 pýltine Qazyǵurt aýdany Atbulaq aýyly mańyndaǵy taýly aımaqta er adamnyń qalyp qoıǵany týraly habarlama túsken.

Qutqarýshylar oqıǵa ornyna jedel jetip, qıyn aýmaqta shamamen 10 shaqyrym júrip ótip, azamatty tapqan.

– Qutqarýshylar qajetti kómekti kórsetip, er adamdy taýdan túsirip, qaýipsiz jerge jetkizdi, – delingen habarlamada.

Zardap shekken azamatqa medıtsınalyq kómek qajet bolmaǵan.

Qutqarylǵan er adam TJM qyzmetkerlerine jedel ári kásibı áreketteri úshin alǵys bildirdi.

Aıta keteıik, Kólsaıda qutqarýshylar taýdan qulaǵan kólikti shyǵardy.