Túrkistan oblysynda taý basynda joǵalyp ketken eki bala qutqaryldy
Túrkistan oblysynda mal izdeýge shyǵyp, joǵalyp ketken eki bala tabyldy, dep habarlaıdy Kazinform.
Taýǵa mal izdep shyqqan 13 jáne 12 jastaǵy eki bala ózdiginen túse almaı qalǵan. Sodan úıine oralmaǵan soń, týystary kómek surap, qutqarýshylarǵa habarlasypty.
Túngi saǵat 22:50-de qutqarýshylar Qazyǵurt aýdany, Atbulaq aýylynan 7 km shaqyrymyndaǵy Qazyǵurt taýynda joǵalyp ketken eki balany taýyp, taýly jerden tómen túsirdi.
«Keshe keshkisin Túrkistan oblysy TJD 112 pýltine eki balanyń joǵalyp ketkendigi týraly habarlama kelip tústi. Іzdestirý jumystaryna Túrkistan oblysy TJD 13 qutqarýshysy jáne 3 tehnıkasy, jedel qutqarý jasaǵynyń 6 qyzmetkeri jáne 1 tehnıkasy, Polıtsııa departamentiniń 4 qyzmetkeri men 1 tehnıkasy jumyldyryldy» delingen Túrkistan oblysy TJD baspasóz qyzmeti bergen aqparatta.
