Túrkistan oblysynda sýǵa batyp ketken 17 jastaǵy bozbala qaıtys boldy

TÚRKІSTAN. KAZINFORM – Túrkistan oblysynyń qutqarýshylary tyıym salǵan jerde shomylyp, sýǵa batyp ketken balanyń denesin tapty.

Tótenshe jaǵdaılar mınıstrligi baspasóz qyzmetiniń málimetinshe, 2007 jyly týǵan bala Tólebı aýdanynyń Ońtústik aýylyndaǵy Baldyberek ózeninen tabyldy. Ólimniń sebebi – tyıym salynǵan jerde shomylý.

«TJM ata-analardy kámeletke tolmaǵan balalardy baqylaýǵa shaqyrady. Tyıym salynǵan jerlerde shomylý ómirge qaýip tóndiredi!» - delingen habarlamada.

Buǵan deıin jyl basynan beri 12 adamnyń ajaly sýdan bolǵanyn jazǵan edik.