Túrkistan oblysynda shomylý maýsymy bastalmaı jatyp 7 bala sýǵa ketken
TÚRKІSTAN. KAZINFORM — Oblysta jyl basynan beri 9 adam sýǵa ketip, qaıtys boldy. Onyń ishinde kámeletke tolmaǵan 7 jasóspirim bar. Bul týraly Túrkistan oblysy tótenshe jaǵdaılar departamentiniń Azamattyq qorǵanys basqarmasynyń bastyǵy Orazgeldi Dúısen málimdedi.
Tótenshe jaǵdaılar departamenti mamandarynyń uıymdastyrýmen óńirdegi barlyq mektepterde «Sýdaǵy qaýipsizdik erejeleri» taqyrybynda ashyq sabaqtar ótkizilip jatyr.
Sondaı-aq, ár mektepke arnaıy qaýipsizdik buryshtary ornatylǵan.
Sonymen qatar, ata-analar jınalystarynda sýdaǵy qaýipsizdik boıynsha arnaıy nusqamalardy tanystyrý jumystary júrgizilýde.
Áleýmettik jelilerde jáne ata-analar komıtetiniń, oqýshylardyń WhatsApp toptaryna aqparattyq sıpattaǵy jadynamalar, beınerolıkter, keńinen taratylyp jatyr.
«Jalpy óńirde 4 334 sý aıdyny bar. Olardyń qatarynda 42 sý qoıma, 149 ózen, 25 kól, 2 870 kanal jáne 1 248 qashyrtqy bar. Oblystyq máslıhattyń sheshimimen óńirde 111 shomylýǵa qaýipti aımaq bekitilgen. Qazirgi tańda ol mekenderge eskertpeler qoıyldy», — dedi Orazgeldi Dúısen.