Túrkistan oblysynda ishimdikten bas tartqan aýyldar sany 88-ge jetti
TÚRKІSTAN. KAZINFORM – Túrkistan oblysynda 800-ge jýyq aýyldyń 88-i alkogol ónimderin satýdan tolyqtaı bas tartqan.
Resmı málimetke sáıkes, 2024 jyly óńirde alkogol ónimderi satylmaıtyn aýyldar sany 30 bolsa, 2025 jyly bul kórsetkish 60-tan asty. Qazirgi tańda oblystaǵy 800-ge jýyq aýyldyń 88-inde ishimdik satylmaıdy.
Turǵyndardyń aıtýynsha, bastama júzege asqan eldi mekenderde qylmys, buzaqylyq pen urlyq-qarlyq sııaqty quqyq buzýshylyqtar tyıylǵan.
Oblystyq polıtsııa departamentiniń málimetinshe, «Іshimdiksiz aýyl» bastamasyn júzege asyrýda Maqtaaral aýdany kósh bastap tur. Aýdandaǵy 20 aýyldyń saýda oryndarynda alkogol ónimderin satý toqtatylǵan.
– Jalpy oblystaǵy 88 aýyldyń saýda oryndarynda alkogol ónimderi satylmaıdy. Onyń ishinde Maqtaaral aýdanynda – 20, Saıram aýdanynda – 12, Keles aýdanynda – 10, Tólebı aýdanynda – 9 aýyl bar, – delingen resmı málimette.
Sondaı-aq Ordabasy aýdanynda – 7, Saýran aýdanynda – 6, Arys qalasynda – 5, Sozaq, Qazyǵurt, Saryaǵash jáne Otyrar aýdandarynda – 3 aýyldan, Shardara jáne Túlkibas aýdandarynda – 2 aýyldan, al Jetisaı, Báıdibek aýdandary men Kentaý qalasynda bir-bir aýyl alkogol ónimderin satýdan bas tartqan.
Eske sala keteıik, buǵan deıin Túrkistan oblysynda 800-ge jýyq aýyl bar ekenin habarlaǵan edik.
