Túrkistan oblysynda toǵyz adam sheteldikterge shekarany zańsyz kesip ótýge kómektesken
TÚRKІSTAN. KAZINFORM - Túrkistan oblysy PD uıymdasqan qylmysqa qarsy kúres basqarmasynyń qyzmetkerleri kóshi-qon zańnamasyn óreskel buzǵan sheteldikterge kómek kórsetýmen aınalysqan adamdar tobynyń qylmystyq áreketin toqtatty, – dep habarlady Polisia.kz.
Jedel ýákilder zańsyz kóshi-qondy uıymdastyrdy degen kúdikpen 9 kúdiktini ustady, onyń ekeýi – áıel, jeteýi – er adam. Olardyń biri Ózbekstan azamaty bolsa, qalǵandary jergilikti turǵyndar. Sondaı-aq polıtsııaǵa Ózbekstannyń 6 azamaty jetkizildi.
Osylaısha polıtseıler tintý is-sharalaryn júrgizip, qujattar men 6 sheteldik pasport, Saıga ańshy myltyǵyn patrondarymen, eki esirtki zaty bar orama, 16 telefon, jarty mıllıon teńgege jýyq qarajat, 250 myń ózbek aqshasy jáne ózge de zattaı dáleldemelerdi taýyp, tárkiledi.
Qazirgi ýaqytta zańsyz kóshi-qondy uıymdastyrý faktisi boıynsha qylmystyq is qozǵaldy. Jedel-tergeý sharalary jalǵasyp jatyr.
Bolǵan oqıǵanyń barlyq jaǵdaıy anyqtalady.
