Túrkistan oblysynda shegirtkeniń taralý aýmaǵy 271,5 myń gektarǵa jetti
TÚRKІSTAN. KAZINFORM — Egistikti shegirtkeden qorǵaý sharalary Túrkistan oblysynyń ákimi Darhan Satybaldynyń tóraǵalyǵymen ótken aptalyq apparat májilisinde talqylandy. Oblys ákimi jaýapty sala basshylaryna birqatar tapsyrma júktep, qaýip tolyq seıilgenshe jumystardy toqtatpaýdy tapsyrdy.
Aýyl sharýashylyǵy daqyldaryna keletin keri áserdiń aldyń alý úshin QR Aýyl sharýashylyǵy mınıstrligi men Túrkistan oblysy ákimdigi tarapynan kelisilgen shegirtkege qarsy qosymsha hımııalyq óńdeý jumystarynyń negizgi bóligi júrgizildi. Qazirgi tańda qaýip seıilip, jaǵdaı turaqtandy. Boljam boıynsha, óńirde shegirtkelerdiń taralý aýmaǵy 271,5 myń gektardy qurady, is júzinde 340 myńnan astam gektar óńdeldi. ıAǵnı, óńirde qosymsha 70 myń gektarǵa jýyq aýmaqta hımııalyq óńdeý júrgizildi. Shegirtkeniń belsendi ósý kezeńinde jumysty kúsheıtý úshin qosymsha tehnıkalar tartyldy.
Arnaıy top músheleri zııankesterden keletin qaýip tolyq seıilgenshe zalalsyzdandyrý sharalaryn toqtatpaıdy jáne kórshiles memlekettermen shekaralas aýmaqtardy baqylaýda ustaıdy.
Sala mamandarynyń aıtýynsha, bıyl shegirtkeniń taralýy aýa-raıynyń salqyn, jańbyrly, jeldi bolýyna baılanysty sozyldy. Al, aýmaqtardy óńdeýge mamandandyrylǵan tehnıka, onyń ishinde jer ústi jáne áýe kóligi jumyldyryldy.
«Zalalsyzdandyrýdyń bıyl erte bastalýynan aýyl sharýashylyǵyndaǵy úlken shyǵyndarǵa jol berilmedi. Oblysta jalpy óńdeý jumystary sáýir aıynyń basynda bastalyp, hımııalyq óńdeý jumystaryna 100 dana jer ústi tehnıkasy jáne 6 ushaq jumyldyryldy. Fıtosanıtarııalyq sharalardyń júrgizilýine 40 ınspektor, ózge oblystardan 3 maman, boljam ortalyǵynan 79 maman jáne aýdan, qala ákimdikterinen qosymsha 245 anyqtaýshy qatysty» — delingen Túrkistan oblysy ákimdiginiń baspasóz qyzmeti usynǵan aqparatta.
Aıta keteıik, buǵan deıin shegirtke Túrkistan oblysynyń sharýalaryn ábigerge salǵanyn jazǵan bolatynbyz.
