Túrkistan oblysynda shegirtkeden qorǵaý sharalary aıaqtaldy

ASTANA. KAZINFORM - QR Premer-Mınıstriniń orynbasary Serik Jumanǵarın shegirtkeniń taralýyna qarsy is-qımyl jónindegi ortalyq jedel shtab otyrysynda óńirlerdegi ahýal týraly esep tyńdady, dep habarlaıdy Úkimettiń resmı saıty.

Túrkistan oblysynda shegirtke zııankesterine qarsy barlyq qorǵanys sharalary aıaqtaldy, jaǵdaı turaqtandy. Boljam boıynsha, óńirde shegirtkelerdiń taralý aýmaǵy 271,5 myń gektardy qurady, is júzinde 340 myńnan astam gektar óńdeldi. Aqtóbe oblysynda 414 myń ga, Qostanaı oblysynda 140 myń ga óńdelgen.

Abaı, Almaty, Atyraý, Shyǵys Qazaqstan, Jetisý, Batys Qazaqstan oblystarynda shegirtke úıirine qarsy hımııalyq óńdeý jumystary jalǵasyp jatyr. Jambyl jáne Qyzylorda oblystarynda óńdeý jumystary aıaqtaldy.

Aqmola, Qaraǵandy, Pavlodar, Soltústik Qazaqstan jáne Ulytaý oblystarynda ıtalıalyq prýsqa, sondaı-aq Aqtóbe, Jambyl, Batys Qazaqstan jáne Qostanaı oblystarynda azııalyq shegirtkege qarsy qorǵaý sharalary óńdeýge jatatyn alańdardyń anyqtalýyna qaraı bastalady.

Jedel shtab otyrysynyń qorytyndysy boıynsha vıtse-premer aýmaqtardaǵy monıtorıngti, hımııalyq óńdeý sapasyn baqylaýdy kúsheıtýdi jáne Túrkistan oblysynda shyǵarylǵan tehnıkalardy qorǵaý sharalary jalǵasyp jatqan óńirlerge jiberýdi tapsyrdy.