Túrkistan oblysynda shegilmeıtin temeki ónimderiniń tsehy anyqtaldy
ASTANA. KAZINFORM – Túrkistan oblysy prokýratýrasynyń úılestirýimen Ekonomıkalyq tergep-tekserý departamenti shegilmeıtin temeki ónimderin (snıýs) shyǵaratyn kishi tsehtyń qyzmetin áshkereledi.
Jedel-izdestirý is-sharalary barysynda shıkizatty daıyndaýdan bastap, kóterme jetkizýshiler arqyly Astana men Almaty qalalaryndaǵy iri saýda arnalaryna deıingi qylmystyq árekettiń barlyq shemasy anyqtaldy.
- Nysan Saıram aýdanynda ornalasqan, onyń aýmaǵy 1000 sharshy metrden asady, - dep jazdy prokýratýradan.
Tintý barysynda, onyń ishinde saýda núktelerinde tyıym salynǵan ónimder, onyń ishinde ony óndirýge arnalǵan jabdyqtar, 10 mln danadan astam qaptama, 14 tonnadan astam temeki, sondaı-aq ártúrli hosh ıistendirgishter men ýly qospalar tárkilendi.
Qylmystyq toptyń uıymdastyrýshylary men qatysýshylaryna qatysty QR Qylmystyq kodeksiniń 301-1-baby boıynsha sotqa deıingi tergep-tekserý júrgizilýde.
Aıta keteıik, Túrkistan oblysynda polıtsııa saýdagerden 45 keliden astam nasybaı tárkiledi.