Túrkistanda sapasyz asfalt tósegen merdigerge 7,3 mln teńge aıyppul salyndy
TÚRKІSTAN. KAZINFORM — Jol salýda salǵyrttyqqa jol berip, sapasyz jumys atqarǵan sala mamandaryna 7,3 mln teńge aıyppul salyndy. Bul týraly «Ulttyq jol aktıvteri sapasy ortalyǵy» RMK TOF dırektory Ǵalymjan Ótenbaev málimdedi.
Bıyl oblystyq ákimdiktiń tapsyrysymen salynyp jatqan joldardan 1731 synama alynǵan. Sonyń 1000 astamy talapqa sáıkes kelmegen. Soǵan sáıkes, kemshilikterge jol bergen merdiger, tehnıkalyq jáne avtorlyq qadaǵalaýshy mekemelerge 120-ǵa jýyq eskertý hattar berilip, 7,3 mln teńge aıyppul salynǵan. Sondaı-aq sapasyz salynǵan 8100 m² asfalt jabyny qaıta tóselip shyqty.
Jyl qorytyndysymen Túrkistan oblysynda 207,6 shaqyrym jol, 4 kópir, 4 qubyr, 2 jaryqtandyrý jobasy tolyǵymen aıaqtalyp, paıdalanýǵa beriledi dep kútilýde.
Qazirgi tańda, 11 nysan tolyqtaı paıdalanýǵa berilse, qalǵan 9 nysanda jumystar júrip jatyr.
Aıta keteıik, budan buryn Almaty oblysynda kóktemde jóndelgen jol oıylyp qalǵanyn jazǵan bolatynbyz.
