Túrkistan oblysynda sapasyz salynǵan 44,5 km jol qaıta tóseldi

ASTANA. KAZINFORM — Osy jazda jolaýshylar jańadan tóselgen joldyń qalaı tolqyndanyp ketkenin kórsetip, áleýmettik jelige jarııalaǵan edi. 

Ulttyq sapa ortalyǵynyń málimetinshe, bul Ózbekstan shekarasymen túıisetin respýblıkalyq mańyzdy trassa. Naqtyraq aıtsaq, «Jızaq — Gagarın — Jetisaı — Kırov — Qyzylásker — Saryaǵash — Abaı — Jibek joly» avtomobıl jolynyń 144-156 jáne 197-220 shaqyrymy aralyǵy. 

Ulttyq sapa ortalyǵynyń Túrkistan oblysy boıynsha fılıalynyń ınjeneri Nurjan Áshirmattyń aıtýynsha, saraptama jumystary asfaltbeton qospasynyń quramy talapqa saı emes ekenin anyqtady.

— Zerthanalyq taldaýlardan keıin tıisti nusqaý berildi. Merdiger jol jabynyn túgel qyryp tastap, bıtým emýltsııasynan bastap qıyrshyq-qum qospasyn jáne asfaltbeton qabatyn qaıta tósep shyǵýyna týra keldi. Atalǵan jol kepildik merziminde. Demek bar shyǵyndy merdiger kóteredi. Anyqtalǵan aqaýlardy joıýǵa mindetteledi, — dedi ol.

Budan buryn Atyraýda asfaltbeton shyǵaratyn 7 zaýyt talapqa saı kelmegenin jazǵanbyz.