Túrkistan oblysynda sanıtarlyq talapty buzǵan mektep ashanalaryna 7,3 mln teńge aıyppul salyndy

TÚRKІSTAN. KAZINFORM - Túrkistan prokýrorlary 70-ten astam bilim berý mekemeleriniń ashanalarynda sanıtarııalyq talaptardyń saqtalmaǵanyn anyqtady. 

Túrkistan oblysynyń prokýratýrasy bilim berý uıymdarynyń ashanalaryn sanıtarııalyq-epıdemıologııalyq talaptarǵa sáıkestigine taldaý júrgizdi.

— Taldaý nátıjesinde memlekettik-jekeshelik áriptestik jobasy aıasynda ashanalardy jańǵyrtyp, paıdalanýǵa alǵan kásipkerlerdiń 70 mektepte sanıtarııalyq-epıdemıologııalyq qorytyndysyz qyzmet atqaryp kelgeni anyqtaldy, — delingen habarlamada.

Túrkistan oblysynyń prokýratýrasy atalǵan zań buzý boıynsha oblys ákimdigine jáne sanıtarııalyq-epıdemıologııalyq baqylaý departamentine qadaǵalaý aktilerin engizdi.

— Nátıjesinde 50 bilim berý mekemesi sanıtarııalyq-epıdemıologııalyq qorytyndylaryn aldy jáne 12 184 balaǵa tıisti qyzmet kórsetiledi.

Zań buzý boıynsha mektep ákimshiligi men kásipkerlerge «Ákimshilik quqyq buzýshylyq týraly» kodeksiniń 463-babynyń 1-bóligine sáıkes 81 ákimshilik hattama toltyrylyp, jalpy somasy 7,3 mln teńgeden astam aıyppul salyndy, — delingen Túrkistan oblysynyń prokýratýrasy habarlamasynda.

Aıta ketelik Almatyda sanıtarlyq talaptardy buzǵan bilim berý nysandary iri aıyppul tólegen edi.