Túrkistan oblysynda referendým ýchaskesine taý adamy keldi
TÚRKІSTAN. KAZINFORM — Sozaq aýdanynyń ortalyǵy Sozaq aýylynda ornalasqan №708 referendým ýchaskesine Qarataý bókterinde jalǵyz ózi ómir súretin turǵyn — halyq arasynda taý adamy atanyp ketken Shavkat Jurtanov kelip, óz tańdaýyn jasady.
Jasy alpysqa taıaǵan ol Qarataý bókterinde tabıǵatpen etene ómir súrip keledi. Taý basyna kúrke tigip, keı kezderi japadan-jalǵyz birneshe aı boıy sonda turady.
Tabıǵat aıasyndaǵy tynysh tirshilikti tańdaǵan azamat qoǵamdaǵy mańyzdy saıası naýqannan shet qalmady. Referendýmǵa qatysyp, azamattyq mindetin oryndady.
Taý adamynyń referendým ýchaskesine arnaıy kelip, daýys berýi aýyl turǵyndarynyń da nazaryn aýdardy. Shavkat Jurtanov el bolashaǵyna beı-jaı qaramaıtyn árbir azamat mańyzdy saıası naýqanǵa qatysýy tıis ekenin atap ótti.
Sondaı-aq búgin Qyzylordadaǵy №260 saılaý ýchaskesine erekshe qonaq keldi. Syr eliniń rýhyn beıneleıtin Kók bóri referendýmda óz tańdaýyn jasady.