Túrkistan oblysynda iri esirtki plantatsııasy anyqtalyp, myńnan asa ósimdik tárkilendi
ASTANA. KAZINFORM – Túrkistan oblysynda polıtsııa qyzmetkerleri quramynda esirtki bar ósimdikterdiń iri kólemdegi plantatsııasyn taýyp, myńnan astam qarasora men kóknar túpterin tárkiledi, dep habarlaıdy Polisia.kz.
«Qarasora-2025» jedel-profılaktıkalyq is-sharasy aıasynda júrgizilgen arnaıy operatsııa barysynda Sozaq aýdanynyń taýly aımaǵynan esirtki ósimdikteri ósirilgen jasyryn alqap anyqtaldy.
Oqıǵa ornynda Qyzylorda oblysynyń eki jáne Shymkent qalasynyń bir turǵyny ustaldy. Olar ósimdikterdi kútip-baptap, zańsyz aınalymǵa shyǵarýǵa daıyndalyp jatqan.
Reıd nátıjesinde 900-den astam qarasora jáne 260-qa jýyq kóknar túpteri men bir tirkelmegen qarý tárkilendi. Saraptama qorytyndysy boıynsha ósimdikterdiń jalpy salmaǵy 700 kelige jýyqtaǵan.
Atalǵan fakti boıynsha sotqa deıingi tergeý amaldary bastaldy. Kúdiktiler qamaýǵa alynyp, oqıǵaǵa qatysty jedel-tergeý sharalary jalǵasyp jatyr.
Aıta keteıik, Qaraǵandyda iri kólemdegi kontrafaktilik taýarlar tárkilendi.