Túrkistan oblysynda probatsııalyq eseptegi 142 adam túzeý mekemesine qaıtaryldy

ASTANA. KAZINFORM — Sonymen qatar, oblys prokýratýrasy «QAO AAJ» arqyly probatsııalyq baqylaýdan tys qalǵan 77 quqyq buzýshylyqty anyqtady. Bul týraly Túrkistan oblysy prokýratýrasy málim etti.

Prezıdenttiń «Ádil Qazaqstan» Joldaýyn iske asyrý maqsatynda Túrkistan oblysynyń prokýratýrasy 2024 jylǵy 16 qarasha saǵat 20.00-22.00 ýaqyt aralyǵynda «Qadaǵalaý» profılaktıkalyq is-sharasyn ótkizdi.

Atalǵan is-shara aıasynda 17 qala/aýdan prokýrorlary mobıldik toppen birge eseptegi tulǵalardyń úkimmen belgilengen shekteýlerdi oryndaý jaǵdaıyna kenetten tekserý júrgizdi.

Tekserý barysynda 321 sottalǵannyń belgilengen ýaqytta turǵylyqty mekenjaılarynda bolýy tekserilip, buzýshylyqqa jol bergen 9 eseptegi tulǵa anyqtaldy. Sondaı-aq, 2 tulǵaǵa qatysty bas bostandyǵynan aıyrý túrindegi jazaǵa aýystyrý týraly usynys sotqa joldandy.

— Sonymen qatar, oblys prokýratýrasy «QAO AAJ» arqyly probatsııalyq baqylaýdan tys qalǵan 77 quqyq buzýshylyqty anyqtady. 43 tulǵaǵa qatysty bas bostandyǵynan aıyrýǵa aýystyrý týraly usynys sotqa joldandy, qazirgi tańda 9 tulǵaǵa qatysty úkim ózgertildi. Budan bólek, bıyl jazany bas bostandyǵynan aıyrýǵa aýystyrý týraly 142 usynys qanaǵattandyryldy, — delingen habarlamada.

Aıta keteıik, óńirde qaıta jasalatyn qylmystyń aldyn alý maqsatynda profılaktıkalyq jumystar qarqyndy júrgizilýde.

Buǵan deıin Jetisý oblysynyń prokýratýrasy 6 jetisýlyqtyń alıment boıynsha qaryzy 20 mıllıon teńgeden asyp ketkenin habarlady.