Túrkistan oblysynda Prezıdent korteji júretin joldyń boıynan qarý-jaraq tabyldy
ASTANA. KAZINFORM — Qazaqstan Prezıdenti jumys saparymen Túrkistan oblysynda júr. Memleket basshysy mingen kortej júretin joldyń boıynan qarý-jaraq tabyldy.
Іshki ister mınıstrligi qyzmetkerleri UQK jáne Memlekettik kúzet qyzmeti mamandarymen birge Prezıdent kortejiniń Túrkistan oblysynda júretin marshrýtynyń boıyn tekserip, jasyrylǵan atys qarýyn tapqan.
Atalǵan fakti boıynsha qylmystyq is qozǵaldy.
«Qazirgi ýaqytta búkil mán-jaıdy anyqtaý jáne kúdikti adamdardy ustaý boıynsha qajetti jedel-izdestirý jáne tergeý is-sharalary júrgizilip jatyr» deıdi Іshki ister mınıstrliginen.
Tergeý múddesi úshin basqa aqparat jarııa etilmeıdi.
Aıta keteıik, munyń aldynda keı arnalarda Túrkistan oblysynan qarý-jaraq tabylǵany, bul Prezıdentke qastandyq jasaýǵa qajet bolýy múmkin degen aqparat taraǵan edi.
