Túrkistan oblysynda polıtsııa 90 mln teńge bereshegi bar júrgizýshini ustady

TÚRKІSTAN. KAZINFORM - Túrkistan oblysynda polıtsııa 90 mln teńge bereshegi bar júrgizýshini ustady, – dep habarlaıdy Polisia.kz.

Kóshelerdi patrýldeý kezinde Túrkistan qalasynyń patrýldik polıtsııa qyzmetkerleri «Qorǵaý» baǵdarlamasynyń kómegimen ótelmegen qaryzy bar Toyota Highlander avtokóligin anyqtady.

Jedel basqarý ortalyǵynan patrýldik polıtseılerdiń planshetine trassadaǵy boryshkerdiń kóligi boıynsha sıgnal tústi. Tekserý kezinde polıtseıler Qyzylordanyń 46 jastaǵy turǵyny sot oryndaýshynyń qaýlysyna sáıkes 90 mıllıon teńgege jýyq bereshegi bar ekenin anyqtady.

Zań talaptaryna sáıkes polıtseıler kólikti aıyppul turaǵyna qoıyp, júrgizýshige salynǵan aıyppuldar men qaryzdardy ýaqytyly tóleý qajettigi týraly túsindirdi.