Túrkistan oblysynda polıtsııa 12 myńnan astam tramadol tabletkasyn tárkiledi
ASTANA. KAZINFORM – Túrkistan oblysy polıtsııa departamentiniń ekstremızmge qarsy is-qımyl basqarmasynyń qyzmetkerleri quramynda esirtki zaty bar tramadol dárilik preparatyn saqtaý men tasymaldaý deregine qatysty kúdikti eki adamdy anyqtap, ustady.
Polisia.kz málimetinshe polıtseıler Túlkibas aýdanynyń Almaty-Shymkent tasjolynda Túrkistan oblysy men Shymkent qalasynyń turǵyndary otyrǵan Lada avtokóligin toqtatqan.
Polıtsııa qyzmetkerleri atalǵan kóliktiń júksalǵyshyn teksergende tramadoldyń 12 myńnan astam tabletkasyn taýyp, tárkiledi.
Qazirgi ýaqytta bul fakt boıynsha sotqa deıingi tergeý bastaldy. Oqıǵanyń tolyq mán-jaıy anyqtalyp jatyr. Kúdiktiler qamaýǵa alyndy.
Aıta ketelik senator esirtkilik zattar boıynsha medıtsınalyq kýálandyrý júıesin jetildirýdi usynǵan edi.