Túrkistan oblysynda ózen tasyp, 29 adam evakýatsııalandy

TÚRKІSTAN. KAZINFORM – Túrkistan oblysynda jaýyn-shashyn saldarynan ózen sýynyń deńgeıi kóterilip, qutqarý jumystary júrgizildi.

Oblystyq Tótenshe jaǵdaılar departamentiniń málimetinshe, búgin Saýran aýdany Abaı aýylynda Jańaqorǵan ózenindegi sý deńgeıiniń kóterilýine baılanysty demalys oryndarynyń birine aparatyn topyraq joldy sý shaıyp ketken. Saldarynan azamattar qaýipsiz aımaqqa óz betimen shyǵa almaı qalǵan.

– Oqıǵa ornyna jedel túrde TJM qutqarýshylary jumyldyryldy. Qıyn jaǵdaı men kúshti aǵysqa qaramastan, qutqarýshylar qıraǵan jol ýchaskesinde ótkel uıymdastyryp, qaýip aımaǵynda qalǵan adamdardy evakýatsııalady. Qutqarý jumystary nátıjesinde 29 adam, onyń ishinde 8 bala qaýipsiz jerge shyǵaryldy. Barlyǵy Túrkistan qalasyna jetkizildi, – delingen habarlamada.

Zardap shekkender joq, medıtsınalyq kómek qajet bolmaǵan.

Budan buryn Kentaý qalasynda jańbyrdan keıin kóshelerdi sý basqanyn jazǵan edik.