Túrkistan oblysynda ótken jármeńkede 6 myńnan astam vakansııa usynyldy
TÚRKІSTAN. KAZINFORM — Túrkistan oblysynda «Eńbek naryǵyn damytýdyń 2024-2029 jyldarǵa arnalǵan tujyrymdamasy» aıasynda bos jumys oryndary jármeńkeleri ótkizilip keledi. 2024 jyldyń 1 qyrkúıegindegi jaǵdaı boıynsha 5 sala negizinde 80 ret bos jumys oryndary jármeńkesi ótkizildi.
Oblystyq jumyspen qamtýdy úılestirý jáne áleýmettik baǵdarlamalar basqarmasy, oblystyq Eńbek mobıldiligi ortalyǵy, aýdan jáne qalalyq mansap ortalyqtarynyń uıymdastyrýymen ótken jármeńkelerde 6 077 bos jumys orny usynylǵan.
Sondaı-aq 1753 jumys berýshi men 4772 turǵyn qatysty.
Nátıjesinde jumys izdep kelgen azamattardyń 1126-sy turaqty jumyspen qamtylyp, 638-i ulttyq jobalar sheńberinde EEB arqyly ýaqytsha jumys oryndaryna joldandy.
Jumysqa ornalasqan jalpy 1764 turǵyn bilim, aýyl sharýashylyǵy, densaýlyq saqtaý, ónerkásip, qyzmet kórsetý, turǵyn úı-kommýnaldyq sharýashylyq, qurylys jáne ózge de salalarǵa baılanysty qazirgi tańda eńbek etip jatyr.
«Jármeńkeler tek jumys izdeýshiler úshin ǵana emes aqparattandyrý kózine aınalyp, jumyspen qamtý zańnamalary boıynsha túsindirmeler berilýde. Óıtkeni býkletter, jadnamalar jáne basqa da aqparattyq materıaldar taratylyp, maǵlumattar beriledi. 2024 jyldyń 18 qazanynda Túrkistan qalasy boıynsha Tanda.enbek.kz portalynda bos jumys oryndary onlaın-jármeńkesin ótkizý josparlanýda. Aldyn ala habarlandyrý jarııalanady. Byltyr bul sharada 75 bos jumys orny usynylǵan» — delingen Túrkistan oblysynyń jumyspen qamtýdy úılestirý jáne áleýmettik baǵdarlamalar basqarmasynyń baspasóz qyzmeti usynǵan aqparatta.
