Túrkistan oblysynda óńirlik kadrlyq rezervke irikteýdiń qorytyndy kezeńi ótti
TÚRKІSTAN. KAZINFORM – Túrkistan oblysynda Óńirlik kadrlyq rezervke irikteýdiń qorytyndy kezeńi bastaldy. Memleket basshysy Qasym-Jomart Toqaevtyń tapsyrmasymen qolǵa alynǵan bul joba jas menedjerler pýlyn qalyptastyrýǵa jáne memlekettik qyzmetke daryndy jastardy tartýǵa baǵyttalǵan.
Jańashyl jastarǵa jol ashyq. Óńirlik kadrlyq rezervine qabileti jetken kez kelgen jastyń iligý múmkindigi bar. Elimizde alǵash ótip jatqan baıqaýda basqarý qabileti bar daryndy jastar bos turǵan laýazymdardyń tizginin ustap, ózderin kórsete alady.
Alǵash ret ótip jatqan baıqaýǵa 634 úmitkerden ótinim túsken. Túrkistan oblysynyń ákimi Darhan Satybaldynyń tóraǵalyǵymen bastalǵan kadr komıssııasy aldynda baıqaýdyń «qurylymdyq suhbat» kezeńine ótken 50 úmitker óz jobasyn qorǵady. Daryndy jastar úshin ashyq jáne tıimdi áleýmettik saty bolǵan saıystan úzdik dep tanylǵan 30 jas óńirlik rezerv quramyna kiredi. Sońǵy irikteýge kelgen ár úmitkermen ákim jeke suhbat quryp, baǵyt-baǵdar berdi.
Úmitkerlerdiń basym bóligi Astana, Almaty jáne ózge de óńirlerde joǵary bilim alyp, aýylǵa oralǵan. Ártúrli salada jumys istep júrgen jastardyń qatarynda memlekettik organdar men jeke sektorda eńbek etip júrgender bar.
Іrikteýde 35 jastan aspaǵan, joǵary bilimdi jəne 3 jyldan kem emes eńbek ótili bar Qazaqstan Respýblıkasynyń azamattary onir.pkrezerv.gov.kz saıtynda qujattaryn tapsyrady. Naýryz aıynan beri baıqaýǵa ótinim bergen azamattar irikteýdiń úsh kezeńinen ótti. Jobanyń zańnama bilý, jeke qasıetteri men quzyretterin baǵalaý syndy alǵashqy kezeńderin sátti tapsyrǵandar búgin áńgimelesýden ótip jatyr. Bul bastamanyń negizgi maqsaty – el múddesin birinshi kezekke qoıatyn jas talanttardy anyqtap, oblystyń áleýmettik-ekonomıkalyq damý jolynda ózekti máselelerin sheshý úshin joǵary bilikti mamandardy tartý, tıimdi kadrlyq rezerv qurý.
«Qazirgi básekelestik zamanda bilimiń men biligińniń bolýy óte mańyzdy. Bul – ásirese basshylyq, onyń ishinde memlekettik qyzmette qajet qasıetter. Kez kelgen memlekettiń bedeli onyń memlekettik qyzmetshisine baılanysty bolsa, el tizginine ıe bolar keler býynnyń ámbebap bolýy zańdy. Osy oraıda Prezıdent Qasym-Jomart Kemelulynyń tikeleı tapsyrmasymen elimizde «Prezıdenttik jastar kadrlyq rezervi» jasaqtalatyny belgili. Tıimdi áleýmettik lıftige aınalǵan bul joba rasynda, el damýyna úles qosýǵa nıetti jastarǵa zor múmkindik berip otyr. Onyń jalǵasy retinde óńirdegi bilimdi, talantty jastar arasynan jańashyl oılaıtyn kóshbasshylar men jas basqarýshylardyń tobyn qalyptastyrý úshin kadrlyq rezervter qurý boıynsha jumystar júrgizilip jatyr. Eń bastysy, elimizdiń damýyna beıjaı qaramaıtyn, jumysyna jany ashıtyn adal ádiletti jastardy memlekettik qyzmetke alý», – dedi Túrkistan oblysynyń ákimi Darhan Satybaldy.
Іrikteý óńirdegi 6 salalyq baǵyttaǵy kadr qajettilik eskerile otyryp aıqyndaldy. Óńirlik kadrlyq rezervke úmitkerler ındýstrııa jáne ónerkásip, ekonomıka jáne qarjy, áleýmettik sala, turǵyn úı-kommýnaldyq sharýashylyq jáne ınfraqurylym, agroónerkásiptik keshen jáne jer qatynastary jáne tsıfrlandyrý salalaryn damytý baǵytynda baq synady.
Baıqaýda baq synaǵandar sońǵy kezeńde ózderi tańdaǵan salalyq baǵytta jobasyn qorǵady. Komıssııanyń sheshimderi negizinde Óńirlik rezerv jasaqtalady. Jergilikti atqarýshy organdardyń «B» korpýsynyń memlekettik ákimshilik laýazymdarǵa bos oryndar paıda bolǵan jaǵdaıda ýákiletti organmen nemese onyń aýmaqtyq bólimshesimen kelisý boıynsha Óńirlik kadrlyq rezervinde turǵan turǵalardyń kandıdatýralary qaralady. ıAǵnı, baıqaýdan ozyq shyqqandar bos laýazymdarǵa konkýrssyz taǵaıyndala alady. Rezervte bolý merzimi – 2 jyl.
Іrikteýdi kadr komıssııasy júzege asyrady. Komıssııa tóraǵasy - oblys ákimi Darhan Satybaldy, orynbasary – QR Memlekettik qyzmet isteri agenttiginiń Túrkistan oblysy boıynsha departamentiniń basshysy, Ádep jónindegi keńes tóraǵasy Órken Balajanov. Komıssııa músheleri – oblys ákimi apparatynyń basshysy Erkeǵalı Álimqulov, oblystyq máslıhattyń tóraǵasy Nuraly Ábishov, Oblystyq tekserý komıssııasynyń tóraǵasy Ǵalymjan Tapeev.
Іrikteýdiń ashyqtyǵyn qamtamasyz etý úshin qoǵamdyq birlestik, úkimettik emes uıymdar, buqaralyq aqparat quraldary, bıznes-qaýymdastyqtardyń ókilderi jáne salalyq sarapshylar qatysty.
