Túrkistan oblysynda nemeresi ájesiniń 3 mln teńgesi men áshekeılerin urlap ketken
TÚRKІSTAN. KAZINFORM – Túrkistan oblysy Saýran aýdanynda páter urlyǵyna qatysy bar kúdikti anyqtaldy.
Polıtsııanyń málimetinshe, kúdikti jábirlenýshiniń nemeresi bolyp shyqty. Ol úıde eshkim joq sátti paıdalanyp, túski ýaqytta jatyn bólmedegi seıfti buzyp, ishinen 3 mln teńgege jýyq aqsha men altyn buıymdardy jymqyrǵan.
– Keltirilgen jalpy shyǵyn kólemi shamamen – 7 mln teńge. Kúdikti urlaǵan buıymdardy altyn satatyn dúkenderdiń birine ótkizip jibergen. Qazirgi ýaqytta tergeý amaldary júrgizilip, qajetti zańdy sharalar qabyldandy. Qylmystyq is dáleldemelermen jınaqtalyp, sotqa joldandy, – delingen oblystyq PD habarlamasynda.
Endi ájesiniń múlkine qol salǵan nemeresi zań aldynda jaýap bermek.
Budan buryn túrkistandyq áıeldiń óz úıinen 8,5 mln teńgeniń altynyn qoldy etkenin jazǵan edik. Tergeý derekterine sáıkes, kúdikti urlanǵan altyn buıymdardy lombardtarǵa ótkizip, túsken aqshany qumar oıyndarǵa jumsaǵany anyqtalǵan.