Túrkistan oblysynda munaı ónimderin zańsyz tasymaldaýdyń 260 faktisi anyqtaldy

TÚRKІSTAN. KAZINFORM – Ózbekstanmen shekaralas aımaqtarda janar-jaǵarmaıdy kórshi elge zańsyz tasymaldaýdy toqtatý maqsatynda reıdtik is-sharalar júrgizilip jatyr.

Túrkistan oblysy boıynsha Memlekettik kirister departamentiniń málimetinshe, jyl basynan beri óńirde munaı ónimderin zańsyz shyǵarýdyń 260 deregi anyqtalǵan. Nátıjesinde sot sheshimimen 15 mıllıon teńgeden astam ákimshilik aıyppul salyndy.

– Oblys kóleminde Ózbekstanmen shektesetin 6 keden beketi jáne 2 baqylap-ótkizý pýnkti jumys isteıdi. Bıyl 24,7 tonna benzın men 35,3 tonna dızel otyny tárkilendi. Kólik quraldarynyń salmaqtyq jáne kólemdik talaptaryn buzýdyń 3 769 faktisi tirkelip, 159 mıllıon teńge kóleminde aıyppul óndirildi, – dedi departamenttiń Taýarlar shyǵarylǵannan keıingi kedendik baqylaý basqarmasynyń basshysy Aıdos Qadirberdıev.

Túrkistan oblysy kásipkerlik jáne saýda basqarmasynyń aqparatyna sáıkes, 24 jeltoqsandaǵy jaǵdaı boıynsha óńirde AI-92 markaly benzınniń baǵasy – 225 teńge, AI-95 – 295 teńge, al dızel otynynyń ortasha baǵasy – 333 teńge.

Budan buryn Túrkistan oblysynda 89 janarmaı quıý beketinde baǵany ósirý faktileri anyqtalǵanyn jazǵan edik.