Túrkistan oblysynda myńǵa jýyq ýchaske jumys istep jatyr
TÚRKІSTAN. KAZINFORM – Túrkistan oblysynda tańǵy 07:00-den bastap 17 aýdan-qala boıynsha 945 referendým ýchaskesi jumysyn bastady.
Búgingi tańda oblysta 1 mln 180 myńnan astam daýys berýshi bar. QR Ortalyq referendým komıssııasynan 13 respýblıkalyq qoǵamdyq birlestik, Túrkistan oblystyq aýmaqtyq referendým komıssııasynan 32 qoǵamdyq birlestik akkredıtatsııadan ótken.
Barlyq 945 referendým ýchaskesinde 6 433 baıqaýshy men 20 mobıldi kapıtan jumys isteýde. Sonymen qatar 167 aýyldyq eldi mekende turǵyndar jyljymaly medıtsınalyq pýnktter arqyly tegin tekserýden ótip, dárigerlerden keńes alyp jatyr.
Daýys berýge alǵashqy kelgenderge arnaıy syılyqtar tabys etildi.
Sondaı-aq búgin tańǵy 7:00-den bastap barlyq qoǵamdyq kólik aqysyz qyzmet kórsetip jatyr.
Aıta keteıik, daýys berý – azamattardyń turǵylyqty jeri boıynsha referendým ýchaskelerinde ótedi. Ýchaskeler 07:00-den 20:00-ge deıin ashyq bolady. Azamattar jeke kýáligin ne tólqujatyn kórsetý arqyly daýys bere alady.
