Túrkistan oblysynda mıllıonǵa jýyq balaǵa Ulttyq qordan 100 AQSh dollary berildi

TÚRKІSTAN. KAZINFORM – Bıyl Ulttyq qordan Túrkistan oblysyndaǵy 922 841  balaǵa qarjy aýdaryldy. Bul týraly «Biryńǵaı jınaqtaýshy zeınetaqy qory» AQ Túrkistan oblystyq fılıaly dırektorynyń orynbasary Asylbek Oshanov málimdedi. 

Qazaqstan Respýblıkasynyń azamaty sanalatyn 18 jasqa deıingi barlyq balaǵa 1 aqpan kúni QR Ulttyq qorynan alǵashqy qarjy aýdaryldy. Baǵdarlamaǵa elimiz boıynsha 6 919 131 bala, al Túrkistan oblysy boıynsha 922 841 bala qatysýshy retinde tirkelgen. Olardyń barlyǵyna 100 AQSh dollary 52 tsent mólsherindegi birdeı soma berildi.

«Jyl saıyn Ulttyq qordyń ósýi men ınvestıtsııalyq kiris esebinen soma kólemi ulǵaıyp otyrady. Shottaǵy qarjyny bala kámelet jasqa tolǵannan keıin turǵyn úıge nemese bilim alýǵa jumsaı alady. Jalpy Ulttyq qordyń byltyrǵy ınvestıtsııalyq jyldyq kirisi 1,39 mıllıard AQSh dollaryn qurady», - dedi Asylbek Oshanov.