Túrkistan oblysynda meshitte balalarǵa aıaǵyn ýqalatqan ımam kópshiliktiń ashýyn týǵyzdy

TÚRKІSTAN. KAZINFORM - Atalǵan jaǵdaı Saryaǵash aýdanynda bolǵan.

мешіттегі жағдай
Фото: Видеодан алынған кадр

Áleýmettik jelide ımamǵa qatysty taraǵan vıdeo úlken rezonans týdyryp jatyr. Onda ýaǵyz aıtyp otyrǵan aqsaqaldyń aıaǵyn 3 bala ýqalap otyrǵanyn kórýge bolady. Jarııalymǵa pikir bildirýshilerdiń basym bóligi meshitke kelgen balalarǵa beıádep tirlik jasatqan qarııany kinálaýda. 

Atalǵan jaǵdaı Ábishuly Satybaldy meshitinde bolǵan. Saryaǵash medrese-kolledjiniń quryltaıshysy Ábjappar Smanov tań namazynda shákirtterge nasıhat aıtqan.

- Vıdeoda Ábjappar Smanovtyń aıaǵyn 2-3 jas bala ýqalap otyrǵany kórinedi. Ol balalar medrese-kolledj shákirtteri emes, óziniń týǵan nemereleri ekendigin málimdeımiz. Atap aıtqanda, balalardyń biri — úlken ulynyń balasy Hamza Zakarııauly, Dinmuhammed Smanovtyń uly - Mehdat Dinmuhammeduly jáne jıeni Talha Muhtaruly. Vıdeo avtory jaman nıette túsirmegen, ol azamat Saryaǵash medrese-kolledjiniń tárbıeshisi Nursultan Ospanov, - delingen Túrkistan oblystyq ortalyq meshiti taratqan aqparatta. 

Oblystyq bilim basqarmasynyń mamandary da vıdeoǵa qatysty jaǵdaıdy anyqtaý jumystaryn júrgizgen. 

- Óz nemereleri árdaıym atasyna qurmet kórsetip, aq batasyn alý úshin jattyǵý jasap berip, iltıpat bildiretini belgili boldy, - delingen basqarma aqparatynda. 

Aıta keteıik, budan buryn Túrkistan oblysynda 102 adam týberkýlez juqtyrǵanyn jazǵan bolatynbyz.

Сейчас читают